Usurbilgo zaintza ereduaren eraldaketa herritarrei ezagutarazteko aurkezpena izango da. Orain arte udalak eta hainbat eragilek elkarrekin egindako bidea azaltzearekin batera, egungo egoeraren zein hurrengo hilabeteetarako asmoen berri emango dugu. Udal-ordezkari politiko zein teknikoez gain, Usurbilgo komunitatea osatzen duten hainbat eragilek ere parte hartuko dute, euren jardunaren berri emateko.

Egitaraua:

• Dokumentalaren aurkezpena: “Usurbil, herri zaintzailea”

• Arreta ereduaren eraldaketa: bizi planen aurkezpena

• Usurbilgo zaintza ekosistemaren egituraren aurkezpena

• Komunitatearen ekarpena: martxan dauden proiektuen aurkezpena. Txirikoda, HurBilduz auzo-zaintza proiektua, HarEman, merkataritza zaintzailea, gazteak eta buru osasunaren lanketa

Amaieran, mokadutxo bat izango da

Ekitaldia euskaraz izango da, eta zuzeneko itzulpen zerbitzua egongo da