Usurbilgo Udala zaintza ekosistema berria garatzen ari da, eta horren eraikuntza prozesuaren erakusleiho parte-hartzailea izango da Zaintza azoka. Usurbilen herritarren parte hartzearekin eraikitzen ari garen zaintza ekosistemaren ereduaz hitz egingo dugu, bizipen tailerren bidez eta bi bisita bereziren bidez: Txirikorda eta Kalezarko zaintzadun etxebizitzen auzunea ezagutzeko aukera izango da.

Parte hartzeko, derrigorrezkoa izango da aldez aurretik izena ematea, usurbil.eus/zaintza-azoka webgunean edo Gizarte Zerbitzuetara deituta (943 37 71 10).

Egitaraua:

10:00-10:30: Harrera.

10:30-11:30: Mahai ingurua: Usurbilgo zaintza ekosistemaren eredua.

11:30-13:00:Bizipen tailerrak: komunitatea, zerbitzuak, pertsona erabiltzaileak eta gizarte zerbitzuak.

13:00-13:30:Bisitak: talde bat Txirikordara eta beste bat Zaintzadun etxebizitzetara.

13:45-15:00: Itxiera ekitaldia eta luntxa.