OHARRA: Bertan behera utzitako urriaren 28rako sarrera eskuratu zutenek sarrera hura bera erabili ahal izango dute oraingo honetan. Beraz, ez daukate berriz ere erosi beharrik.

Antolatzailea: Booktegi.

Laguntzaileak: Noaua! Eta Usurbilgo Udala.

20NETOAK 20 MODUTARA:

Harkaitz Cano, Beñat Barandiaran, Maite Larburu.

Hamalaukoa edo sonetoa XIII. mendean sortu zen eta hamaika jarraitzaile izan ditu geroztik. Soneto hitzaren jatorrian probentzaleko hitz bat dago: sonet (kantu ttipia). Honenbestez, Harkaitz Canoren "Pozaren erdia" soneto-bilduma oinarri hartuta, hitz, hots, soinu, doinu eta kantuen arteko zirrikituetan barna jolasean arituko dira bi musikariak eta idazlea, molde klasikoetatik musika urbanora arteko txangoa eginez.