Urriaren 14an Usurbilgo udalak Turismo eredu berriaren webgunearen eta abian jarritako proiektuen aurkezpena egingo du. Azken urte eta erdian herriko hainbat eragilerekin elkarlanean burututako lan prozesuaren ondoren "650 Usurbil bizi, Beste mundu bat posible da" izeneko turismo egitasmoa abiatu zuen. Proiektu honen asmoa Usurbilen turismo eredu berri eta berritzaile baten osaketa da, turismoa bera gizarte eraldaketarako tresna bihurtuko duena, eta Usurbilgo herri identitatearen dinamizatzaile izango dena datozen urteotan.

Aurkezpenean parte hartuko dute Usurbilgo udal ordezkariek, proiektuan lanean ari den Jon Maia Soriak eta herriko zenbait eragilek.